Rusiyanın MDB ölkələri ilə ticarət dövriyyəsi 2023-cü ildə 2022-ci ilin göstəriciləri ilə müqayisədə 5,8% artaraq 8,8 trilyon rubla çatıb.

İqtisadiyyat.az xəbər verir ki, bunu Rusiya Baş nazirinin müavini Aleksey Overçukun bildirib.

"İxrac 5,1 trilyon rubl, idxal isə 3,7 trilyon rubl olub. Bu yaxşı göstəricidir. Bununla belə, ixrac potensialı yüksək olaraq qalır və bu genişlənəcək", - baş nazirin müavini MDB iştirakçısı olan ölkələrin Beynəlxalq İqtisadi Forumunun plenar iclasında vurğulayıb.

Overçuk əlavə edib ki, Belarus 44,8%, Qazaxıstan 27,4% və Özbəkistan 9,3% payla MDB ölkələrindən əsas ticarət tərəfdaşları olub.