İnnovasiyalara və startap ekosistemə cavabdeh olan dövlət qurumları böhranlı vəziyyətdən birgə çıxış yolları aramaq əvəzinə mediada bir-birini yıxıb sürüməklə məşğuldur.
Biri digərini bəyənmir.
Baxıram ki, İRİA-ya yaxınlığı olanlar, innovasiya və ekosistemlə bağlı beynəlxalq statistikalarda çox aşağı mövqe qazanmağımızı bu beynəlxalq qurumlara Azərbaycan tərəfdən doğru informasiya verilmədiyi ilə izah etməyə çalışırlar.
Xatırladıram ki, ekosistemlə bağlı beynəlxalq reytinqləri ölçən qurumlardan birinin -StartupBlink -in Azərbaycandan partnyoru da ASAN-dır.
Düşünürəm ki bu tip yanaşmalar qüsurludur.
Daha doğru olardı ki, İRİA, ASAN və KOBİA maraqlı tərəfləri də cəlb edərək bir araya gəlsin, mənasız ittihamlara son qoyulsun, resursları bizdən az olmasına baxmayaraq regionda daha üstün mövqe qazanan ölkələrə diqqət yetirilsin, həqiqətən də xoşagəlməz vəziyyətdə olan innovasiya və startap ekosistemin problemlərinin həlli istiqamətində birgə səylər gücləndirilsin.
Osman Gunduz
TEREF