“Azərsun Holdinq”in Sumqayıtda yeni yağ emalı zavodunda kütləvi ixtisarlar başlayıb.

TİA.AZ-a verilən özəl məlumata görə, yağ zavodundan bu günlərdə 10 nəfərə yaxın işçi çıxarılıb. Onların heç biri ilə əmək müqaviləsi bağlanmayıb. Fəhlələrə işdən çıxarılmasının səbəbləri izah olunmayıb. Bundan qabaq da zavodda ixtisarlar olub və şirkətin mətbuat katibliyi məlumatı təkzib etməyə çalışıb.
Ancaq redaksiyamıza verilən yeni xəbərlərdə də bildirilir ki, yağ zavodunda ixtisarlar davam etməkdədir və Abdolbari Gözəlin aparıcı komandası fəhlələrin işdən çıxarılması məlumatlarını gizlətməyə, ictimaiyyətin diqqətindən kənarda saxlamağa çalışır.
Fəhlələr isə şikayət etməyə ünvan tapmır. Şirkətin bütövlükdə təqribən 20-30 min fəhləsi var və heç biri ilə əmək müqaviləsi imzalanmır. Qeyd edək ki, “Azərsun Holdinq” məhsulları Gürcüstan, Rusiya və Orta Asiya ölkələrinə ixrac olunur.