Sumqayıt Şəhər İcra Hakimiyyətinin başçısı Zakir Fərəcov Sumqayıtda 8-ci mikrorayonda fəaliyyət götərən və camaat arasında "ucuz bazar" kimi tanınan kənd təsərrüfatı məhsulları yarmarkasını bağlayıb. Bu barədə Moderator.az-ı Sumqayıtdakı mənbə məlumatlandırıb. Mənbənin sözlərinə görə, buna səbəb icra başçısının yarmarkanın mövcud durumundan, təmizlik və təmir səviyyəsindən narazı qalması olub.
Mənbənin məlumatına görə, qeyri-müəyyən vaxta qədər fəaliyyəti dayandırılan yarmarka ərazisində əsaslı təmir işlərinin görüləcəyi, təmizlik-sanitariya baxımından yenidən qurulacağı gözlənilir.