Bir il əvvəl lenfoma xərçəngi diaqnozu qoyulan, "Athena" rok qrupunun gitaraçısı Hakan Özoğuza səhhəti ilə bağlı paylaşım edib.

32gun.az bildirir ki, "instaqram" hesabında video paylaşan Hakan Özoğuz müalicə prosesinin sonuna gəldiyini bildirib.

"Bildiyiniz kimi, müalicə prosesində idim və bu prosesin sonuna gəldiyimi bildirmək istərdim. Hər şey lazım olduğu kimi irəliləyir, şükürlər olsun. Bu müddət ərzində yanımda olan ailəmə, sevdiklərimə, dostlarıma və həkimlərimə təşəkkür edirəm. Xoş arzularınız və dualarınız üçün təşəkkür edirəm. İndi konsertlərdə, yeni layihələrdə və albomlarda görüşmək ümidi ilə, hələlik" - deyə qeyd edib.