Məşhur Hollivud bəstəkarı Hans Tsimmer Londonun “O2 Arena” stadionunda konserti zamanı sevgilisinə evlilik təklifi edib.

O, çıxışını yarımçıq kəsərək sevgilisi, kinoprodüser Dina de Lukeyə üzünü tutub və ondan səhnəyə yanına gəlməsini xahiş edib.

“Niyə səndən bura gəlməyi xahiş etdim? Sənə vacib bir sual vermək istəyirəm. Giriş qapısını bağlamısanmı? Soyuducuda süd varmı? Əslində yox, bunlar deyil. Sualım budur: mənimlə evlənərsənmi?”, - deyə Tsimmer səhnədən təklifini səsləndirib.

Dina de Luke razı olduğunu bildirib.
Bundan sonra bəstəkar Kristofer Nolanın “Başlanğıc” filmindən “Time” mahnısını ifa edib.

Mənbə: “Deadline”