Geniş izləyici kütləsi toplayan "Sandık kokusu" serialının ulduzu, Türkiyədə yaşayan azərbaycanlı aktrisa Nəsrin Cavadzadənin xoşbəxtliyi qısa çəkib.

Bu barədə "Ensonhaber" nəşri məlumat verib.

Serialda rol yoldaşı olan Pamir Pekinlə eşq yaşayan aktrisanın sevgilisindən ayrıldığı iddia edilir.

Qeyd edək ki, şəxsi həyatı ilə tez-tez gündəm olan Nəsrin Cavadzadə və Pamir Pekin serial bitdiyi zaman münasibətlərini açıq şəkildə bəyan etmişdilər.

Lakin həyat tərzləri uyğun gəlməyən cütlüyün ayrıldığı xəbərləri yayılıb. Nəsrin Cavadzadənin bir müddət əvvəl Pamir Pekinin izləyiciləri sırasından çıxması da diqqət çəkib.