Şou-biznesin iki məşhuru: Könül Kərimova və Elza Seyidcahan arasında qalmaqal yaşanıb. “Qafqazinfo” xəbər verir ki, bu barədə Kərimova “ATV maqazin 10larla” verilişinə açıqlamasında deyib.

Müğənni verilişlərinin birində rəfiqələri barədə danışıb. Könül həmin vaxt illərdir ki, rəfiqəsi olduğu Elza Seyidcahanın adını çəkməyib. Kərimovanın bu səhvi ona baha başa gəlib. Belə ki, Elza həmkarının ünvanına zəng vuraraq sərt sözlər deyib.
Könül isə məsələyə belə aydınlıq gətirib:

“Həmin verilişə Elza baxırmış. Mən onun adını unutmuşdum. Uman yerdən küsərlər. Daha sonra məclisə getdim, ürəyimdə elə bil Elzayla danışırdım. İki-üçn gün keçdi. Dözə bilmədim, mənə çox pis təsir etdi. Mənim üçün dost itirmək faciədir. Bəziləri belə şeyləri vecinə almırlar. Mən isə özümə qapanıram, depressiyaya düşürəm. Ona mesaj yazdım. Kövrəldik, ağladıq”.