“Xəzər” televiziyasında yayımlanan “Bizə danış” verilişində saxtakarlıq üzə çıxıb.

Bu barədə jurnalistlər və facebook istifadəçiləri bildiriblər. Qeyd edilir ki,Xoşqədəm Hidayətqızının aparıcısı olduğu verilişə qatılan Rəşad və Vüsalə adlı cütlüyün həyat hekayəsi uydurmadır: "Deyirlər, istəyirik toyumuz olsun. Həyatımda bir dəfə də olsa, gəlinlik geyinim. Halbuki onların toyu olub. Xeyriyyəçi qrup üzvləri olaraq biz toy etmişik. Cehizlik əşyalar, daş-qaşlar, televizor, soyuducu, xonçalar alınıb, pul yazılmışıq. Gəlinlik də geyinib. İndi yalandan orada ağlayır ki, gəlinlik geyinmək arzumdur. Bizim zəhmətimizi yerə vururlar. Onlara ikinci dəfə toy etməkdənsə, həqiqətən, gəlinlik geyinməyən qıza toy edərlər. Niyə camaatı soyurlar yalandan? Toyda nikahları da kəsilib, 7 aydır evlidirlər”.
Məlumatı verən şəxslər bildirirlər ki, media bu məsələni işıqlandırmalı, bu cür saxtakarlıqların qarşısı alınmalıdır: "Xoşqədəm Hidayətqızı da deyir ki, sizə ürəyiniz istəyən toyu edəcəm, qızıl üzük də verib qıza. Bu nankorluqdur. Bizim etdiyimiz toyu bəyənməmək haqsızlıqdır. O toya çəkilən xərci özümüzə qaytarsınlar, ehtiyacı olan digərlərinə edərik."
Onlar dediklərini sübut etmək üçün cütlüyün toyundan fotoları da yayıblar.