Yunan mediası Fələstinin Türkiyədəki səfiri Fayəd Xalid Əbd Mustafanın Ankara ilə Azad İqtisadi Zona üzrə anlaşma imzalanacağına dair açıqlamasına kəskin reaksiya verib.
Teleqraf.com xəbər verir ki, Liviyadan sonra Fələstin də Aralıq dənizində Türkiyə ilə Azad İqtisadi Zona anlaşması imzalamağa hazır olduğunu bildirib.

Yunan mediası səfirin açıqlamasından sonra Fələstin hökumətinə müraciət ünvanlayıb. Diplomatdan sözügedən açıqlamanı təkzib etməsini istəyən yunan tərəfi əks halda rəsmi Afinanın Fələstini “düşmən ölkə” elan edəcəyini bəyan edib.

Fələstin hökuməti də səfirin irəli sürdüyü fikirləri təkzib etməyə çağırıb və əks halda bunun Fələstinə baha başa gələcəyi bildirilib.