Türkiyənin İstanbul şəhərində yaşayış binasında partlayış baş verib.

Trend-in Türkiyə KİV-lərinə istinadən verdiyi məlumata görə, hadisə yerinə təcili yardım briqadaları, yanğınsöndürənlər və polis əməkdaşları cəlb ediliblər.

Bildirilir ki, yanğınsöndürənlər partlayış nəticəsində başlayan yanğını söndürüblər. Partlayış nəticəsində 2 binaya, bir neçə avtomobilə zərər dəyib, qarşıdakı binaların şüşələri qırılıb.

Hadisə nəticəsində ölənlər və xəsarət alanlar barədə məlumat verilmir.