Xəbr verdiymiz kimi, Vanda kəşfiyyat təyyarəsi qəzaya düşüb. Nəticədə 2 pilot və 5 təhlükəsizlik işçisi şəhid olub.

Cebhe.info xəbər verir ki, Daxili İşlər naziri Süleyman Soylu Vanda kəşfiyyat təyyarəsinin qəzaya uğradığını və onlardan 2 pilot 5 təhlükəsizlik işçisi olmaqla 7 nəfərin şəhid olduğunu açıqlayıb. Hazırda təyyarənin düşdüyü bölgədə - Artos dağında araşdırmalar davam edir. 2015-ci ildən idarə olunan təyyarə kəşfiyyat məqsədilə istifadə üçün qeydiyyata alınıb. Bazar ertəsi günündən etibarən Van və Hakkaridə kəşfiyyat və nəzarət missiyası ilə uçuşlar apardıqdan sonra 15 iyul 18:35 tarixində yenidən kəşfiyayt məqsədi ilə Van Fərid Melen aeroportundan yola düşüb.

Son məlumatlara görə, saat 23:32 radələrində təyyarə ilə əlaqə saxlamaq mümkün olub. Pilot bildirib ki, vəzifə yerinə yetirilib və onlar artıq geriyə qayıdırlar. Saat 23:45-dən sonra isə təyyarə heç bir radarda görülməyib və əlaqə tamamilə itirib.