Türkiyənin baş naziri Əhməd Davudoğlu Rusiya və Bəşər Əsəd rejiminin digər müttəfiqlərini Suriyada hərbi cinayətlər törətməkdə ittiham edib.

O, fevralın 4-də Londonda keçirilən Suriya konfransında deyib ki, bu ölkədə humanitar böhranın ilk səbəbi, Suriya rejimi tərəfindən törədilən hərbi cinayətlər və “İslam Dövləti” qrupudur.

Davudoglu deyib ki, Əsəd rejiminə kömək edənlər də eyni cinayət işlədirlər.

O, Hələbin Rusiya təyyarələrinin güclü bombardmanı altında olduğunu deyib.

Rusiya Müdafiə Nazirliyinin nümayəndəsi İgor Konaşenkov isə Davudogluya cavab olaraq Türkiyəni Suriyaya intensiv hərbi müdaxiləyə hazırlaşmaqda ittiham edib.

Rusiya və İran Suriya müharibəsində Bashar Assadın, ABŞ və onun müttəfiqləri isə Assada qarşı mübarizə aparan üsyançıların tərəfini saxlayırlar. (azadliq.org)