Martın 13-ü gecə saatlarında Egey dənizində Türkiyə ərazisini qanunsuz yollarla tərk etmək istəyən 34 miqrant saxlanılıb.

Unikal.org xəbər verir ki, hadisə Türkiyənin İzmir vilayətinin Karaburun rayonu yaxınlığında baş verib. Rezin qayıqlarla Türkiyə ərazisini tərk etmək istəyən miqrantların olduğu qayıq bölgədə hökm sürən əlverişsiz hava şəraiti və güclü külək səbəbindən istiqamətini dəyişib. Boğulma təhlükəsi ilə üzləşən miqrantların köməyinə Türkiyənin Sahil Mühafizə Xidmətinin əməkdaşları gəliblər.

Xilas edilən miqrantlar ölkələrinə geri qaytarılmaları üçün aidiyyəti qurumlara təhvil veriliblər.