Türkiyə Prezident seçkilərində “Millət İttifaqı”nın namizədi Kamal Kılıçdaroğlu “Zəfər” partiyasının sədri Ümid Özdağ ilə görüşüb.

APA-nın İstanbul müxbirinin verdiyi xəbərə görə, görüş Ankarada “Zəfər” partiyasının Baş qərargahında baş tutub.

Görüş zamanı “ATA İttifaqı”nın ikinci turda hansı namizədə dəstək olacağı müzakirə olunub. Görüşün nəticələrinə dair iki partiya sədri jurnalistlərə açıqlama verib. Ümid Özdağ partiya və ittifaq üzrə tərəfdarları ilə müzakirədən sonra buna dair yekun qərarın veriləcəyini bildirib.

Qeyd edək ki, daha əvvəl seçkilərin birinci turunda “ATA İttifaqı”nın namizədi olmuş Sinan Oğan ikinci turdakı dəstəklə bağlı bu gün qərar verəcəyini açıqlayıb.