Bu türk ölkəsi Talibanı terror təşkilatları siyahısından çıxardı
29-12-2023, 11:07
Qazaxıstan Talibanı qadağan olunmuş təşkilatlar siyahısından çıxarır.
Bunu Qazaxıstan Xarici İşlər Nazirliyinin rəsmi nümayəndəsi Aybek Smadiyarov deyib.
O bildirib ki, Qazaxıstan ölkədə qadağan olunmuş terror təşkilatlarının siyahısını yeniləmək üçün mütəmadi olaraq yoxlayır:
“Bu prosesin bir hissəsi kimi BMT praktikasına uyğun olaraq Talibanın qadağan olunmuşlar siyahısından kənarlaşdırılması barədə qərar qəbul edilib. Belə ki, BMT Təhlükəsizlik Şurasının məcburi olan qətnamələrinə əsasən, Taliban hərəkatı BMT Təhlükəsizlik Şurası tərəfindən terrorçu kimi tanınan təşkilatlar siyahısına daxil edilməyib”.
