Türkiyənin Elazığ bölgəsində gözlənilməz hadisə baş verib.
Publika.az yerli mətbuata istinadən xəbər verir ki, sevdiyi qıza evlilik təklifi edən gənc oğlan aldığı “hə” cavabını coşquyla qeyd edərkən yanğın törədib.
O, sevincini havaya fişəng atmaqla bildirib. Ancaq fişənglərdən birinin quru otun üzərində düşməsi yanğına səbəb olub. Yanğınsöndürənlərin və polisin hadisə yerinə gəlməsindən sonra alovun qarşısı alınıb.
Evlilik təklifindən qızın valideynlərinin xəbəri olmadığı üçün gənclərin adları gizli saxlanılır. Yanğına səbəb olan gənc və dostları izahat alınması üçün polis şöbəsinə aparılıb.
Faktla bağlı araşdırmaların davam etdiyi bildirilir.

Evlenme teklif ederken yangın çıkardı