Kommunizmin ideya atalarından olan alman filosofu və iqtisadçısı Karl Marksın 200-cü yubileyi ərəfəsində anadan olduğu Trier şəhərində özünəməxsus şəkildə qeyd edilir.

GunAz.org Türkiyə mətbuatına istinadən xəbər verir ki, işıqforun işıqlarının yeni froması ilə qeyd olunub. 5 may 1818-də Almaniyanın qərbindəki Trier şəhərində anadan olan Karl Marksın fiqurunun olduğu svetofor işıqları bazar ertəsindən istifadə edilib. Məsələyə münasibət bildirən şəhərin bələdiyyə sədri Volfram Leybniz deyib ki, Trier şəhəri Marks üçün rənglərini göstərir. Karl Marksın uşaqlığını keçirdiyi ev və muzeyinin yaxınlarına qarşıdan gələn həftələrdə bu işıqforlardan qoyulacağı bildirilir.

Marksın həmyerliləri onun yubileyini bu cür maraqlı şəkildə qeyd etsələr də, Çindən ötən il hədiyyə edilən Marksın bürünc heykəlini may ayında sökmək istəyirlər. Bu haqda qərar qəbul edən şəhər bələdiyyəsi heykəlin sökülməsini XX əsrdə kommunist ideologiyasının yüz minlərlə insanın həyatına son qoyması ilə əsaslandırıb.



Qeyd edək ki, Karl Henrix Marks (alm. Karl Heinrich Marx; 5 may 1818 – 14 mart 1883) — alman filosofu, siyasətçisi, marksizm nəzəriyyəsinin banisi. “Kommunist Manifesti” və “Kapital” əsərlərinin müəllifi.

O, sosiologiya elminin yaranmasında və inkişafında göstərdiyi böyük xidmətlərinə görə digər alman Maks Veber və fransız Emil Durkhaym ilə birgə sosial elmlərin təməlini qoyan 3 şəxsdən biri sayılır. Marks kapitalist iqtisadi sistemi, burjuaziya və proletariat münasibətləri, dünyanın iqtisadi tarixi və dövlətin kapitalismdəki rolu barədə apardığı geniş, dərin və tənqidi araşdırmalar sayəsində özünə olduqca böyük nüfuz qazanmışdır. Marksdan təsirlənən və onun idealarını inkişaf etdirən saysız-hesabsız sosioloqlar, kriminoloqlar və iqtisadçılar var, hansılar ki, marksist kriminologiyası, siyasi iqtisadiyyatda marksist perspektivi, ailə, din və digər mühum mövzularda Marksist perspektivlərini yaradıblar.

Karl Marks tarixdə 100 ən çox öyrənilmiş şəxsiyyətlər siyahısında birinci sıraya daxil edilib.