İran mediası ABŞ-ın Türkiyə iqtisadiyyatını hədəf alan təşəbbüslərinə qarşı türk xalqının qəti davranışını təqdir edən xəbərlər verib.

Publika.az xəbər verir ki, İranın ən çox oxunan qəzetlərindən olan “Tabnak”da yer alan yazıda Türkiyə əhalisinin və işçilərin dolları milli valyutaya dəyişmək kampaniyasını alqışlanıb.

Qeyd edilib ki, Türkiyədə xalq dövlət və hökumətinə sahib çıxır və ölkə ABŞ-ın təktərəfli sanksiyalarına qarşı iqtisadiyyatını yaxşılaşdırmaq qüdrətinə malikdir. Türklər milli hərəkat yürüdür. Bu hərəkat hətta Fransada da gedir. Fərqli siyasi görüşlərdə olsalar da, öz yurddaşlarına iş tapmaq üçün yardım edirlər.