Fransada koronavirus yenidən sürətlə yayılır – Son sutkada daha 7071 nəfər yoluxub, ölənlər var
7-09-2020, 07:09
Ötən gün Fransada 7 071 nəfərdə COVID-19 aşkarlanıb.
Bu barədə ölkənin Səhiyyə Nazirliyi məlumat yayıb.
Nazirliyin məlumatına görə, son 24 saatda ölkədə koronavirusdan səhhəti ağırlaşmış 3 nəfər ölüb.
Qeyd edilir ki, son 7 gündə Qərbi Avropanın bu ölkəsində virusa yoluxmuş 1 704 nəfər xəstəxanaya yerləşdirilib. Onlardan 288-i reanimasiya şöbələrində müalicə edilirlər.
Epidemiyanın başlanğıcından Fransada koronavirusa ümumilikdə 324 777 yoluxma qeydə alınıb/Report.
