ABŞ Prezidenti Co Bayden 26 sentyabr avtomobil işçilərinin aksiyasında qısa, lakin tarixi çıxış edib.

“Qafqazinfo” xəbər verir ki, bu haqda Ağ Ev məlumat yayıb.

Qeyd olunur ki, Bayden etiraz aksiyası sıralarında iştirak edən ilk ABŞ lideri olub.

Siyasətçinin aksiyadakı çıxışı bir neçə dəqiqə çəkib.

Ağ Ev Baydeni “müasir tarixin ən yaxşı həmkarlar ittifaqı tərəfdarı” adlandırıb.

Qeyd edək ki, ABŞ-də Birləşmiş Avtomobil İşçiləri (UAW) həmkarlar ittifaqı sentyabrın 16-dan bəzi avtomobil istehsalçılarının zavodlarında ümumi tətilin başladığını elan edib. Xüsusilə, həmkarlar ittifaqı üzvləri əmək haqlarının əhəmiyyətli dərəcədə artırılmasını, pensiyaların yaxşılaşdırılmasını, məzuniyyətlərin artırılmasını və digər tədbirləri tələb edirlər.