Birləşmiş Ştatlar “Yeddilik Qrupu” (G7) tərəfdaşlarına Ukraynaya 50 milyard dollar məbləğində əlavə yardım ayrmağı təklif edib.

“AzPolitika” xəbər verir ki, bu barədə “Bloomberg” agentliyi yazıb.

ABŞ-nin təklifinə görə, xərclər əsasən Avropada faizlər yığılan edən dondurulmuş Rusiya aktivlərindən əldə edilən mənfəət hesabına ödəniləcək.

ABŞ Maliyyə Nazirliyi və Ağ Evin Milli Təhlükəsizlik Şurası ideyanı şərh etməkdən imtina edib. Bununla belə, ABŞ-nin maliyyə naziri Canet Yellen oxşar müzakirələrin aparıldığını təsdiqləyib.

“İdeal olaraq, biz istərdik ki, bu işdə təkcə ABŞ deyil, bütün “Yeddilik” Qrupu iştirak etsin”, - o, “Bloomberg”-ə bildirib.

Agentliyin mənbələrinə görə, ABŞ artıq iyun ayında “Yeddilik” liderlərinin görüşündə bununla bağlı saziş bağlamaqda israrlıdır.

“Bloomberg” yazır ki, Avropa ölkələrinin əksəriyyəti Rusiyanın dondurulmuş aktivlərinin birbaşa müsadirə edilməsinə qarşıdır. Çünki bu addımın avronun sabitliyinə xələl gətirəcəyinə və Rusiyanı qisas addımlarına təhrik edəcəyinə inanırlar.