Gürcüstanın üçüncü prezidenti Mixail Saakaşvili parlamentin xarici agentlər haqqında qanunu qəbulunu oliqarx Bidzina İvanişvilinin ölkə əhalisinə müharibə elanı kimi qiymətləndirib.

Azpost.info bildirir ki, bu barədə həbsdə olan sabiq prezident Facebook səhifəsində yazıb.

“Oliqarx gürcü xalqına müharibə elan edib. Xalq özünü müdafiə etməlidir, əks halda o, hamıya bir-biri çatacaq. İrəli, Gürcüstan!”, – deyə Saakaşvili yazıb.

Gürcüstan parlamenti xarici agentlər haqqında “Rusiya” qanunu kimi tanınan “Xarici təsirin şəffaflığı haqqında” qanun layihəsini üçüncü və yekun oxunuşda qəbul edib. 84 deputat lehinə səs verib. Parlamentin 30 üzvü buna qarşı çıxıb.

Səsvermədən sonra qanun layihəsi imzalanmaq üçün prezidentə təqdim olunacaq. Dövlət başçısı Salome Zurabişvili artıq sənədə veto qoyacağını bəyan edib. Bununla belə, hakim partiya vetonu ləğv etmək niyyətindədir – bunun üçün kifayət qədər deputat mandatı var.