Ermənistan hakimiyyəti ilə Qarabağ arasında koordinasiyalı əlaqələr daha da azalacaq.

“Ölkə.Az” xəbər verir ki, bunu erməni politoloq Qarik Keryan deyib.

Onun sözlərinə görə, Arayik Arutyunyan problemlərin həllini tapa bilmədi: “Əlbəttə, həll yolu tapmaq şansı o qədər də yüksək deyildi, çünki Qarabağ tanınmamış subyektdir və beynəlxalq əlaqələri yoxdur. Lakin biz aktiv axtarışları da görmədik”, - Keryan qeyd edib.

Arutyunyanın oturaq aksiya keçirmək qərarını təəccüblü və görünməmiş adlandıran ekspert qeyd edib ki, bunu, adətən, müxalifət iqtidara təzyiq etmək üçün edir:

“Hadisələrin kulminasiya nöqtəsi Tovmasyanın (xunta rejimin qondarma “parlament sədri”) istefası və bu vəzifənin müxalifətə keçməsi oldu”, - deyə o vurğulayıb.

Politoloq əlavə edib ki, tarixən Qarabağda siyasi əhvali-ruhiyyə rusiyapərəst olub: “Ermənistanın Brüssel və Amerika platformalarında apardığı danışıqlar Qarabağda həmişə çaşqınlıqla qarşılanıb”.