Almaniyada terrorçuluqda şübhəli bilinən dörd nəfərin axtarışı ilə əlaqədar olaraq ən böyük 14 yerli hava limanında ictimai təhlükəsizlik üçün təhlükə barədə xəbərdarlıq edilib.

“Report” RİA "Novosti"yə istinadən xəbər verir ki, bu barədə Bavariyada dərc olunan "Merkur" qəzeti yazıb.

"Bild" qəzetinin məlumatına görə, onların arasında Avropanın 10 ən böyük hava limanı siyahısına daxil olan Frankfurt Mayn və Münxen, həmçinin Berlin, Hamburq və Leypsiq aeroportları var.

"Merkur" yazır ki, şübhəlilər Almaniyanın cənub-şərqindəki hava limanlarından birinə planlaşdırılan mümkün hücum ilə bağlı axtarılırlar.