Rusiyanın Tver vilayətində “Robinson” markalı helikopterin qəzaya uğraması nəticəsində iki nəfər ölüb.

Bu barədə Teleqraf.com “TASS”a istinadən xəbər verir.

Qeyd olunub ki, helikopter Vyazovets kəndi yaxınlığındakı əkin sahəsinə düşüb. Helikopterdə olan Aleksandr Kurılev və onun qardaşı Dmitri Kurılev hadisə yerində keçinib.

Fövqəladə Hallar Nazirliyinin rayon üzrə Baş İdarəsinin mətbuat xidmətindən verilən məlumata görə, hadisə yerinə 22 nəfər canlı qüvvə və 6 texnika göndərilib. Qəza ilə bağlı araşdırma aparılır.