![[img]https://teref.az/uploads/posts/2025-08/1754680838_1.jpg[/img] Məhkəmə Hüquq Şurası məhkəmələrin şəbəkə cinayətinə son qoymaq istəmir](/templates/Webmedia4/dleimages/no_image.jpg)
Rusiyada “Nə? Harada? Nə zaman?” televiziya klubunun oyunçusu axtarışa verilib
1-12-2022, 11:14
Rusiya hüquq-mühafizə orqanları vəkil, “Nə? Harada? Nə zaman?” televiziya klubunun oyunçusu İlya Novikovu axtarışa verib.
Bu barədə Rusiya Daxili İşlər Nazirliyinin axtarış bazasına əsasən məlumat yayılıb.
“11 fevral 1982-ci il təvəllüdlü Novikov İlya Rusiya Federasiyası Cinayət Məcəlləsinin maddəsi ilə axtarışdadır”, - məlumat bazasında deyilir.
O, hüquqşünas kimi ukraynalı pilot Nadejda Savçenkonun, rejissor Oleq Sentsovun müdafiəsi ilə yadda qalıb. Bundan əlavə, Novikov Aleksey Navalnının “Korrupsiyaya Qarşı Mübarizə Fondu”nun maraqlarını təmsil edib.
2002-ci ildən 2016-cı ilə qədər “Nə? Harada? Nə zaman” intellektual televiziya şousunun daimi oyunçusu olub və burada dəfələrlə mükafatlar qazanıb.
