Bu gün Avropa Liqasında I təsnifat mərhələsinə yekun vurulacaq
19-07-2018, 07:53
Bu gün Avropa Liqasında I təsnifat mərhələsinə yekun vurulacaq.
Apasport.az saytının məlumatına görə, cavab oyunları çərçivəsində baş tutacaq qarşılaşmalarda üç Azərbaycan klubu da meydana çıxacaq.
Öncə Bakıdakı matç start götürəcək. “Keşlə” öz meydanında “Baltsan”ı qəbul edəcək. Bakılılar 1:4 hesablı səfər məğlubiyyətinin əvəzini çıxmağa çalışacaq.
“Qəbələ” Lüksemburqda “Proqres”lə görüşəcək. Əyalət təmsilçisi evdəki 0:2 hesablı yenilginin revanşı üçün mübarizə aparacaq.
“Neftçi” isə Macarıstanda “Uypeşt”in qonağı olacaq. Bakılılar 3:1 hesablı qələbədən sonra üstünlüyünü qorumalıdı.