Almaniyada bir kişi loterayadan 76 milyon avro qazanıb.
Anspress-in “Spiegel”ə istinadla verdiyi məlumata görə, Şimali Reyn-Vestfaliya sakini “Eurojackpot” lotereyasında 76, 8 milyon avro udub. Bu, “Eurojackpot”-un keçirildiyi tarixdə ikinci ən böyük uduşdur.
Rekord cekpot isə 90 milyon avro olub. Bu mükafatı ötən il Çexiya sakini qazanmışdı.
Bu günə kimi Almaniyada ən böyük lotereya uduşu 59 milyon avro hesab edilib. Bunu isə 2014-cü ildə Hessen vilayətinin sakini qazana bilmişdi.
“Eurojackpot” lotereyası Avropanın 17 ölkəsində populyardır. Cekpodu qazanmaq üçün isə verilən 50 rəqəmdən 5-ini, əlavə 10 rəqəmdən isə 2-ni düzgün seçmək kifayətdir.