"Coca-Cola" şirkətinin əməkdaşı həbs olundu - İŞİD-lə əlaqədə şübhəli bilinir
26-05-2015, 16:30
"Coca-Cola" şirkətinin Banqladeşdəki nümayəndəliyinin IT şöbəsinin rəhbəri “İslam Dövləti” (İŞİD) terror təşkilatı ilə əlaqədə şübhəli bilindiyi üçün saxlanılıb.
SalamNews-un BBC-yə istinadla verdiyi xəbərə görə, bu barədə yerli polis məlumat verib.
Şirkət əməkdaşının İŞİD-in Banqladeşdəki yuvasına rəhbərlik etdiyi bildirilir. Onunla birlikdə məktəb müəllimi işləyən daha bir şübhəli şəxs saxlanılıb.
"Coca-Cola"nın yerli şöbəsi saxlanılan şəxsin Şirkət əməkdaşı olduğunu təsdiqləyib.
Şirkət işin araşdırılması ilə bağlı istənilən zəruri yardımı göstərməyə söz verib.