Arzu Vəliməmmədova: «Rövşən Bağırovun «Dostluq» parkında villasının olması barədə yayılan məlumat yalandır»

Artıq bir neçə gündür dövlət başçısı İlham Əliyevin məlum müşavirədə villalarla bağlı dediyi fikirlər geniş araşdırma mövzusuna çevrilib. Ötən günlərdə isə ölkə mətbuatında hansı məmurun Səbayel rayonu ərazisində yerləşən «Dostluq» parkında villası ilə bağlı məlumatlar yayılıb. Olanlar arasında Lerikin İcra Hakimiyyəti başçısı Rövşən Bağırovun da adı çəkilib.

JAM.AZ-a açıqlama verən Lerik İcra Hakimiyyəti başçısının müavini və ictimai-siyasi məsələlər şöbəsinin müdiri Arzu Vəliməmmədova bildirib ki, yayılmış məlumatlar həqiqəti əks etdirmir. «Bu məlumatlar tamamilə əsassızdır. Rövşən Bağırovun «Dostluq» parkında nə villası var, nə də nə vaxtsa olub. Belə məlumatlar sensasiya xatirinə yayılır və heç bir əsası yoxdur».