Hadisə Nizami rayonu, Naxçıvanski küçəsi 80-nin qarşısnda qeydə alınıb.
“Ölkə.Az”ın məlumatına görə, gecə saatlarında naməlum şəxs 1989-cu il təvəllüdlü Rauf Məhəbbət oğlu Qəribova döş qəfəsindən daxilə nüfuz edən bıçaq xəsarəti yetirib və ərazidən uzaqlaşıb. Yaralı təcili olaraq “AzərSuTikinti” xəstəxanasına gətirlisə də, gəncin həyatını xilas etmək mümkün olmayıb.
Faktla əlaqədar Nizami rayon prokurorluğunda cinayət məcəlləsinin 120.1 ( qəsdən adam öldürmə) maddəsiylə cinayət işi başlanıb. 24-cü Polis Şöbəsi və rayon prokurorluğunun əməkdaşlarından yaradılmış əməliyyat-istintaq qrupu hadisəni törədən şəxsin müəyyən edilərək saxlanılması istiqamətində əməliyyat-axtarış tədbirlərinə başlayıb.