Rusiyalı sahibkar və “Çelsi” klubunun keçmiş sahibi Roman Abramoviç Braziliyada klub almaq istəyir.

Oliqarx tezliklə futbol biznesinə qayıtmaq istəyir. Abramoviç variantlardan biri kimi ikinci divizionda çıxış edən “Londrina”nın alınmasını nəzərdən keçirir.

O həmçinin “Atletico Mineiro” və ya “San Paulu” ilə də maraqlana bilər.

Xatırladaq ki, daha əvvəl mətbuatda Abramoviçin İstanbulda məskunlaşmağı və futbol klubu almağı planlaşdırdığı barədə məlumat yayılmışdı. Daha sonra iş adamının mətbuat xidməti bu məlumatı təkzib etdi.

Mənbə: Sport-express.ru