"Muğam və aşıq musiqilərini sevmirəm... ritmik musiqilərə daha çox üstünlük verirəm"
Millət vəkili Elton Məmmədovun oğlu Aynar Məmmədov BAKU.WS-ə maraqlı müsahibə verib. O müsahibəsi zamanı həyatı və işi ilə bağlı bir sıra ciddi məqamlara toxunub. Musavat.com A.Məmmədovun müsahibəsini kiçik ixtisarla təqdim edir.

***

-Aynar bəy əvvəlcə özünüz haqqında danışaq...

-Azərbaycan Dövlət İqtisad Universitetinin Beynəlxalq münasibətlər fakültəsini bitirmişəm. 2-ci təhsilimi isə Bakı Dövlət Universitetində almışam. İngiltərədə də təhsil almışam. Bir qız atasıyam. Dövlət qulluqçusuyam. Deputat oğluyam. Amma bunu deməklə heç də öyünmürəm. Deputat oğlu olmaq həmçinin başucalığı verən bir hissdir.

-Siz Milli Məclisdə çalışırsınız. Bilmək istəyirik ki, oradakı fəaliyyətiniz nədən ibarətdir?

-Milli Məclisdə Beynəlxalq şöbədə məsləhətçi vəzifəsində çalışaram. Dövlət işində işləyirəm. Amma dövlət işində çalışmağı heç vaxt arzulamamışdım. Amma atam dövlətə, siyasətə yaxın insan olduğu üçün mən də bu yolu seçdim. Peşman da deyiləm. Ölkə başçımızın siyasətini dəstəkləyirəm. Bütün addımlarını mətbuatdan izləyirəm. Ölkəmiz onun həyata keçirdiyi uğurlu siyasət nəticəsində günü-gündən inkişaf edir. Sadəcə olaraq 15 il geriyə baxsaq bu gün ölkəmizin nə dərədəcədə sürətlə inkişaf etdiyinin şahidi ola bilərik.

-Gələcəkdə atanız kimi deputat olmağı düşünürsünüzmü? Nə vaxt namizdəliyinizi verəcəksiniz?

Bu il deputatlığıa namizdəliyimi verməyi düşünmürəm. Amma gələcəkdə namizədliyimi verməyi düşünürəm. Məncə bu uğurlu bir addım olar.

-Əmilərinizlə münasibətiniz necədir?

-Hamsı ilə əla münasibətim var. Əmilərimi çox istəyirəm. Ziya əmimi daha çox istəyirəm. Çünki onun yeri başqadır.

-Bildiyimiz qədər ilə bir qardaşınız var? O, hansı işlərlə məşğuldur?

-Bir qardaşım var. Adı Elnurdur. Məndən böyükdür. K-1 brendinin Azərbaycan və Yaxın Şərq üzrə rəsmi nümayəndəsidir. Qardaşımı çox istəyirəm. Biz çox mehriban qardaşlarıq. Hər gün görüşürük. Onunla bir dəfə də olsun ki, mübahisəmiz düşməyib.

-Avtoşluq və yüksək sürətə münasibətiniz necədir? Avtoşluq edirsinizmi?

-Sürəti sevən adamam. Sükan arxasına oturan şəxs hər şeydən əvvəl öz həyatını, təhlükəsizliyini gözünün önünə gətirməlidir. Hər şeyə arxayın olduqdan sonra sükan arxasında əyləşməlidir. Həyatı ilə bağlı riskə getməməlidir və özünə əmin olmalıdır. "Avtoşluq” kəlməsi mənə aid deyil. Bu anlayışdan çox uzaq bir insanam. Həm də yaşımın elə dövrü deyil ki, avtoşluq da edim. Amma onu da etiraf edim ki, avtomobillərə qarşı xüsusi sevgim var.

-Aynar Məmmədov siz niyə məhz avtomobil həvəskarıdır? İlk avtomobilinizin modeli nə olub?

- Uşaqlıqdan avtomobillərə xüsusi həvəsim olub. Bir növ adrenalın məni onlara bağlayır. Özüm tuning mütəxəssisiyəm. Bu sahədə geniş faəliyyət göstərirəm və xüsusi təcrübəm də var. İlk avtomobilim 2004-cü ildə "Mersedes ML” olub. Həmin avtomobili atam mənə universitetə daxil olanda hədiyyə etmişdi. İndiki avtomobilimi isə öz qazancımla əldə etmişəm.

-Aynar Məmmədov gün ərzində nələr edir? Kitab oxuyurmu?

-Oxuyuram. Amma çox az oxuyuram. Daha çox dinlə bağlı kitablar oxuyuram. Dini sahədə anlayışım olsun deyə elə kitabları oxumağa üstünlük verirəm. Hər kəs kimi gündəlik işlərimlə məşğul oluram. İçki içmirəm. Əyləncə mərkəzlərinə getmirəm.

-İncəsənətə meyillisinizmi? Aktyor olmağı düşünürsünüzmü? Hansı filmləri izləyirsiniz?

-İncəsənətə çox meyilli və yaxın admam. 7 il rəqs dərslərinə getmişəm. Milli rəqslərimizi öyrənmişəm. Professional rəqqas olmuşam. 2000-ci ildə Azərbaycanda keçirilən "Pöhrə” rəqs müsabiqəsində birinci yerə layiq görülmüşəm. Gələcəkdə özümü aktyor kimi də sınaya bilərəm. Amma baş rola çəkilmək istəyirəm.
Komediya janrında çəkilən xarici filmləri sevmirəm. Son zaman ölkəmizdə çəkilən bəzi yerli filmləri bəyənirəm və izləyirəm. İncəsənət sahəsində çalışan xeyli dostlarım var.

-Hansı müğənnilərə qulaq asırsınız?

-Muğam və aşıq musiqilərini sevmirəm. Bəzi xalq mahnılarına isə qulaq asıram. Ritmik musiqilərə daha çox üstünlük verirəm. Romantik deyiləm. Lirikanı isə sevmirəm. Musiqidən professional dərəcədə anlayışım var. Piyanoda ifa edirəm, notları bilirəm. Bəstəkarlıq barəsində isə heç vaxt düşünməmişəm.

Qız atası olmaq necə bir hissdir?

-Qız atası olmayan bu hissin nə demək olduğunu bilməz. Çox gözəl bir hisdir. Həmişə bir qızımın olmasını istəmişdim. Mədinə adlı 3 yaşlı balaca, şirin bir qızım var. Tərbiyyə ailədən gələn bir şeydir. Biz necə tərbiyyə almışıqsa övladımıza da elə tərbiyə veririk. Təyziq göstəməklə uşağı tərbiyələndirmək və ya təhsilə meyilləndirmək olmaz. Daha sakit və təmkinli bir fomada uşaqla söhbət eləməyi bacarmaq lazımdır. Baxmayaraq ki, bu sahədə təcrübəm azdır, amma ailəm mənə mükkəməl bir tərbiyə verib.

-Əmioğlunuz Anar Məmmədovla münasibətiniz necədir?

-O, mənim sevimli əmim oğludur. Onunla çox yaxşı və mehriban münasibətimiz var. Bununla yanaşı o dövlətimizin inkişafı istiqamətində müəyyən uğurlu fəaliyyətlər həyata keçirir. Sözün yaxşı mənasında o məndən daha çox dövlətimizə xidmət edir. Onun bu sahədəki fəaliyyətini heç vaxt danmaq olmaz. Tez-tez görüşürük. Məndən yaşca böyükdür. Böyük kimi də məndən məsləhətlərini əsirgəmir.

- Mətbutada barənizdə çoxlu yazılar yazılır. Bu barədə nə düşünürsünüz?

-Mənim haqqımda yazılan gərəksiz, lazımsız xəbərləri oxumaq heç də xoş olmadı. Mənə avtoş damağsı vurdular. Amma ortada faktı əks etdirən və mənim avtomobilimin dövlət nömrə nişanı olan video- çarx yox idi. Çox qara yaxdılar, çox böhtan atdılar. Amma heç biri bizim adımıza ləkə gətirə bilmədi.

-Jurnalist Rasim Əliyevin qətlə yetirilməsinə münasibətiniz necədir?

-Bu hadisəni kəskin qınayıram. Bir insanın həyatına son qoymaq nə dərəcədə doğrudur? Bu işədə əli olan, günahkarlar cəzasız qalmazlar. Bəzi jurnalistlərə isə xüsusi hörmətim var. Onlardan da özümə qarşı hörmət görürəm. Etibarlı və tutarlı bir mənbə olmadan məqalələr yazan jurnalistlər öz peşələrinə hörmət etmirlər. Onlara demək istəyirəm ki, peşənizi sevin və hər-hansı bir məqalə yazmamışdan öncə həmin şəxs barəsində dəqiq araşdırma aparın, yalan və böhtan yazılarla xalqımız aldatmayın.

-Bizneslə məşul olursunuzmu? Aynar Məmmədov biznesmendirmi?

-Mən biznesmen deyiləm, dövlət qulluqçusuyam. Amma çox vaxt məni hər-hansı bir biznes fəaliyyəti olan bir gənc kimi təqdim edirlər. Amma bu doğru deyil. Biznes fəaliyyətim var. Amma bu mənim bisnesmen olduğumu göstərmir.

-Hansı idman növü ilə məşğul olursunuz?

-İdmana qarşı xüsusi marağım var. Kikboxing-in K-1 versiyası üzrə keçirilən rəsmi yarışların təşkilatçılığını qardaşıma dəstək olaraq şəxsən özüm həyata keçirirəm.

-Siz də məmur övladısınız? "Məmur övladı” kimlərə deyilir?

-Mən məmur övladı deyiləm. Sadəcə olaraq uzun illərdir ki, dövlətinə, xalqına sadiq olan bir atanın övaldıyam

-Vətənpərvəsinizmi? Əsgərlikdə olmusunuz?

-Vətənpərvər bir gəncəm. Hər kəs kimi mən də hərbi xidmətdə olmuşam və vətənimizin keşiyində durmuşam. Məncə əsil vətənpərvərlik ürəkdən gəlməlidir. Bunu kimlərəsə ucuz bir formada sübut etmək şərt deyil. Vətənimlə fəxr edirəm. Fəxr edirəm ki, mən azərbaycanlıyam!

-Maaşınız sizi qane edirmi?

Əlbətttə qane edir. Yaşımın elə dövrüdür ki, özüm sərbəst pul qazanıb ailəmə baxmağa qadirəm. Bunun öhdəsindən də gəlirəm!