“Rusiya Ukraynada yeni hərbi hərəkətlərə başlamağa hazırlaşır. Lakin Kreml Qafqazda gərginliyi artması ehtimalına görə bunu hələlik təxirə salır”.

Politika.Az xəbər verir ki, bu barədə Rusiyanın tanınmış politoloqu, publisist və ictimai xadim Andrey Piontkovskiy deyib.

Onun sözlərinə görə, Ukraynada inqilabdan sonra insanlar gözlədiklərini tam əldə edə bilmədilər: “Putin Ukrayna əhalisinin səhv etdiyini anlayacağına ümid edir. Əgər Ukrayna zəifləyəcəksə, hərbi hücumları aktivləşdirmək rahat olacaq. Amma hərbi hücumlar baxımından yaz fəsli əlverişli deyil. Bundan başqa, Qafqazda gərginliyin artırılması gözləntiləri var. Xüsusilə Dağlıq Qarabağda hər an müharibə baş verə bilər”.

Andrey Piontkovskiy qeyd edib ki, Rusiya prezidenti Vladimir Putin indiyə qədər ABŞ prezidentinin geri çəkilməsindən ilham alırdı: “Bundan sonra Putin yenidən razılıqları poza və Ukraynada, hətta Dağlıq Qarabağda hərbi hücumları aktivləşdirə bilər. O, bununla ABŞ-ın reaksiyasını öyrənəcək və sonrakı mərhələdə addımlarını buna uyğun atacaq”.