"Ölkə daxilində dövlətçiliyimizə qarşı işləyən çox nüfuzlu şəbəkə mövcuddur"
Ötən il Azərbaycan iqtidarına qarşı kəskin çıxışlarla demarş götürən sabiq diplomat Arif Məmmədov maliyyə naziri Samir Şərifovun "üçqat agent" elan edilməsi ilə bağlı qalmaqala münasibət bildirib.

Musavat.com xəbər verir ki, sosial şəbəkədəki səhifəsində bu barədə yazan Məmmədov qeyd edib:

"Rusiya kəşfiyyatının yüksək rütbəli və çox məlumatlı agenti Yuri Şvets tərəfindən yayılmış məlumat ölkəmizin dəhşətli təhlükə qarşısında olduğunun göstəricisidir.
Dağlıq Qarabağ münaqişəsinin bu gündə olduğunun səbəblərini indi siz daha aydın anlamalısınız.

Sizi əmin edirəm ki, ölkə daxilində dövlətçiliyimizə qarşı işləyən çox nüfuzlu şəbəkə mövcuddur və bu şəbəkəyə hakimiyyətin ən nüfuzlu simaları daxildir. Bu şəbəkəyə olkənin nazirləri və nazir müavinləri, bir çox PA yüksək vəzifəli şəxsləri, səfirlər daxildir.
Bu faktlar barədə MTN-in keçmiş naziri Eldar Mahmudov da bilirdi və rəhbərliyə müvafiq məruzə etmişdir.

Yaxınlarda daha dəhşətli xəyanətlərlə bağlı faktlar üzə çıxacaqdır.
UCA MİLLƏTİM, BACI VƏ QARDAŞLARIM
ÖLKƏMIZIN DƏHŞƏTLI TƏHLÜKƏ QARŞISINDADIR.
AYILMAQ VAXTI ARTIQ GƏLIB".