"Rusiya sərhədçilərinin "Zvartnots"dan çıxarılmasının Ermənistanın və onun vətəndaşlarının təhlükəsizlik maraqlarına cavab verməsi ehtimalı azdır". Bakupost.az xarici KİV-ə istinadla xəbər verir ki, bunu Rusiya XİN-in rəsmi nümayəndəsi Mariya Zaxrova deyib. O qeyd edib ki, bütün qərarlar idarələrarası araşdırmanın nəticələrinə əsasən veriləcək. "Bildiriş departament xətti ilə göndərilib, Moskva diplomatik kanallarla heç nə almayıb", - deyə Zaxarova Rusiya sərhədçilərinin "Zvartnots" hava limanından çıxarılması ilə bağlı Ermənistanın müraciəti ilə bağlı danışarkən qeyd edib. “Bu açıqlama rəsmi İrəvanın bir sıra qeyri-dost bəyanatları fonunda verilib. Çətin ki, bu təşəbbüs, xüsusən də Rusiya sərhədçilərinin uzun illər ərzində səmərəli işlədiyini nəzərə alsaq, Ermənistanın və onun vətəndaşlarının təhlükəsizliyinə cavab versin, ”, - deyə Rusiya XİN-in nümayəndəsi vurğulayıb.