«Xəzər Adaları»nın inşası birdəfəlik dayanıb: Hacı İbrahim Nehrəmli işçilərini buraxıb - Onlar geri dönməyəcək…
6-04-2015, 11:48
Azərbaycanda regionun və həm də elə dünyanın ən iri layihələrindən biri olan «Xəzər Adaları» - «Khazar İslands»ın inşasını həyata keçirən «Avesta» konserninin ciddi maliyyə böhranı ilə üzləşdiyi hələ əvvəlindən verilən xəbərlər sırasındadır.
DİA.AZ-a bununla bağlı yeni informasiyalar daxil olub. Sözügedən adaların inşasını həyata keçirən şirkətlərdən birinin nümayəndəsinin redaksiyamıza söylədiyinə görə, artıq son bir ayda adada daş üstünə daş qoyulmayıb. Mənbənin dia.az-a söylədikləri:
«Fəhlələrin də böyük əksəriyyəti demək olar ki, Bakıdakı Avropa Oyunlarının inşaatına, abadlıq işlərinə cəlb olunub. Onların geriyə təkrar adaların inşasına qayıdacağı isə gözlənilən deyil. Çünki konkret olaraq adaların tikilməsi üçün pul yoxdur.
«Avesta» konserninin prezidenti Hacı İbrahim Nehrəmli nə qədər çalışsa da, layihəyə samballı investor cəlb edə bilməyib. Əgər bu fiasko xəbəri «yuxarıların» qulağınai çatarsa, təkcə «Avesta»nın şefi yox, onun qardaşlarının da durumu xeyli çətinləşəcək».
