"Zimperium" tədqiqatçıları hazırda bank nömrələrinə gedən zəngləri ələ keçirərək onları hakerlərə yönləndirən "Android" zərərli proqram "FakeCall"ın yenilənmiş versiyasını müəyyən ediblər.

Bu barədə "Anti-Malware" portalı məlumat yayıb.

Qeyd olunur ki, troyan müəllifləri onun funksional imkanlarını fəal şəkildə inkişaf etdirirlər. Beləliklə, keçən ilki versiya təhlükəsizlik proqramlarından yan keçməyi öyrənib, indiki versiya isə bank proqramı kimi maskalanmağa və bank nömrəsinin yığılması mərhələsində zəngləri ələ keçirməyə qadirdir.

"FakeCall" istifadəçiyə kredit təşkilatının real nömrəsini göstərməklə öz zərərli proqramından birbaşa banka zəng etmək imkanı verir. Praktikada qurbanlar bankla deyil, fırıldaqçılarla başa çatır. Zərərli proqram APK faylı vasitəsilə quraşdırılır və sistemdə səsli zənglərin idarəedicisi kimi qeydiyyata alınır ki, bu da ona banka zəng etmək cəhdlərinin qarşısını almağa imkan verir.

Bundan əlavə, "FakeCall"ın ən son versiyası bir sıra əlavə funksiyalar əldə edib: cihazın ekranında aktivliyin qeydə alınması, skrinşotların çəkilməsi, avtomatik kilidin açılması və söndürülməsi, həmçinin yaddaşdan şəkillər və miniatürlərin bərpası. \\Valyuta.az