Rusiyalı tanınmış aktyor, prodüser, bəstəkar və teleaparıcı İvan Urqant "Həyatın şişmiş vəziləri" adlı boş səhifələrdən ibarət kitabının bütün nüsxələrini satmaqla 3.5 milyon rubl (61 min manat) qazanıb.

Oxu.Az-ın verdiyi məlumata görə, o, bu barədə özünün "Instagram" səhifəsində xəbər verib.

Teleaparıcı oxucularına "yarım kəlməyə olan sevgilərinə görə" təşəkkür edib. O, bütün vəsaitin "Mayaklı ev" uşaq hospisinə köçürüləcəyini bildirib.

Qeyd edək ki, "Həyatın şişmiş vəziləri" kitabı yalnız adı, mündəricatı və Urqantın üzü ilə sfinks təsviri olan üz qabığından ibarətdir.