Özbəkistanın xarici borcu 2,8 faiz artaraq 25,1 milyard dollara çatıb. Bunun 16,12 milyard dolları dövlətin, 8 9 milyard dolları isə özəl bölmənin payına düşür.

AZƏRTAC xəbər verir ki, bu barədə Özbəkistanın Mərkəzi Bankı məlumat yayıb.

Bildirilir ki, cari ildə dövlət borcu artmaqda davam edib. Bu proses COVID-19 virusunun yayılması ilə əlaqədar xaricdən alınan borclar və iqtisadiyyatın müxtəlif sahələrinin, həmçinin regionların inkişafı ilə bağlı dövlət proqramlarının maliyyələşdirilməsi ilə izah edilə bilər.