Astanada Suriya üzrə keçirilən görüşdə doqquz müxalifət qruplaşması iştirak edir.

SalamNews-un TASS-a istinadla verdiyi xəbərə görə, bu barədə Qazaxıstan Xarici işlər Nazirliyinin Asiya və Afrika Departamentinin direktoru Aydarbek Tumatov məlumat verib.

“Müxalifət nümayəndə heyətinə “Ceyş əl-İslam” qruplaşmasının nümayəndəsi Məhəmməd Alluş rəhbərlik edir. Görüşdə Suriya müxalifətindən ümumilikdə doqquz qruplaşma iştirak edir”, - deyə o bildirib.

Qazaxıstan XİN-in yüksək vəzifəli rəsmisi Astanada müxalifət və Suriya hökumətinin birbaşa danışıqlarının mümkünlüyünün nəzərdən keçirlidiyini də qeyd edib.