“AFB Bank”ın səhmdarlarının illik qazancı məlum olub.

“Yeni Sabah”ın əldə etdiyi məlumata görə, bank səhmdarlarına 2024-cü il üzrə ümumilikdə 7,6 milyon manat dividend elan edib. Bu, əvvəlki illə müqayisədə 28,9% azdır. Belə ki, 2023-cü il üzrə səhmdarlara ayrılan dividendin həcmi 10,67 milyon manat təşkil edib.

Bankın əsas səhmdarı 99,64% payla Hikmət İsmayılovdur. Nəzarət payına uyğun olaraq H.İsmayılov bankdan ötən il üzrə 7 milyon 544 min manat dividend əldə edib. Bu məbləğ 2023-cü ildəki 10 milyon 638 min manatla müqayisədə 30% azdır. H.İsmayılov başqa sözlə, son iki ildə bankdan 18,2 milyon manat qazanc götürüb. pizza hut

Digər iki səhmdar- Camil Muradov və Toğrul Hacıyev hər biri bankda 0,18% paya malikdir. Bu isə o deməkdir ki, onlara ödənilən dividend 2024-cü ildə 14 min manat təşkil edib. 2023-cü il üzrə bu rəqəm 19 min manat olub.

Qeyd edək ki, mediada yayılan məlumatlara görə bankın əsas səhmdarı Hikmət İsmayılov Fövqəladə Hallar naziri Kəmaləddin Heydərovun bacanağıdır. O, 2019-cu ilin əvvəlindən etibarən bankın sahibinə çevrilib.