Azərbaycan kinoteatrlarında rus dilində nümayiş olunan filmlərin sayı xeyli azalıb.
Bu barədə “Minval” məlumat yayıb.
Qeyd edilib ki, əgər əvvəllər 13 nümayişdən yalnız 4-ü türk dilində, qalanları isə rus dilində göstərilirdisə, indi vəziyyət dəyişib. Hazırda kinoteatrlardakı filmlərdən cəmi 4 -ü rus dilində, əksəriyyəti isə türk dilindədir.
Ekspertlərin fikrincə, bu qərar başadüşüləndir. Belə ki, ölkə əhalisinin böyük hissəsi rus dilini bilmir, lakin türk dilini rahat anlayır. Bu keçid kinoteatrlara auditoriyanı genişləndirməyə və filmləri tamaşaçılar üçün daha əlçatan etməyə imkan yaradır.
Bundan başqa, bu tendensiya Azərbaycanda rusdilli auditoriyanın getdikcə azalması və türk dilinin yaxın, anlaşılan dil kimi qəbul olunması fonunda daha geniş mədəni dəyişikliyi əks etdirir.