Ukrayna Ali Radasının sabiq spikeri Andrey Parubiyin qətlində şübhəli bilinən şəxsin görüntüləri yayılıb.

Musavat.com “Qordon” kanalına istinadən xəbər verir ki, jurnalistlərin “günahınızı etiraf edirsinizmi” sualına cavab olaraq həmin şəxs bunun onun “Ukrayna hakimiyyətindən şəxsi intiqamı” olduğunu deyib.

O əlavə edib ki, Rusiya tərəfindən ölmüş oğlunun cəsədinin qaytarılması ilə bağlı şantaj olmayıb.

“İstədiyim tək şey odur ki, hökm tez bir zamanda elan edilsin. Bəli, mən etiraf edirəm, onu mən öldürdüm. İstəyirəm ki, məni hərbi əsirlərlə dəyişsinlər ki, gedib oğlumun cəsədini tapa bilim”, – deyə şübhəli bildirib.

O qeyd edib ki, Rusiya xüsusi xidmət orqanları ilə əməkdaşlıq etməyib. Şəxsin sözlərinə görə, Parubiyi seçməsinin səbəbi sadəcə “yaxınlıqda olmasıdır”.

“Əgər mən Vinnitsada yaşasaydım, onda qurban Petya olacaqdı”, – deyə şübhəli əlavə edib.