İranlı hüquqşünas Əli Müctəhidzadə hicabsız qadınlara tibbi xidmət göstərilməməsi ilə bağlı təkliflərə reaksiya verib.

Editor.az xarici mediaya istinadən bildirir ki, İranın yerli xəbər saytının məlumatına görə, Müctəhidzadə Səhiyyə Nazirliyi və Tibb Elmləri Universiteti tərəfindən göndərilən məktuba münasibət bildirib.

O, hicabsız qadınlara səhiyyə xidmətinin göstərilməməsini “qanuni müharibə” kimi qiymətləndirib. Belə bir hadisənin idarəetmə sistemi üçün çox təhlükəli olduğunu və pis nəticələrə səbəb ola biləcəyini qeyd edib.

“Bu “qaydaya” əsasən kimsə ölərsə, məsuliyyət kimə aiddir? Deputatlar, yoxsa Səhiyyə Nazirliyinin başında duranlar? Görəsən, vətəndaşların başına bəla gətirən məsuliyyəti öz üzərinə götürməyə hazır olan varmı?”,-deyə o bildirib.

//Safura Bənnayeva, Editor.az