Almaniyanın paytaxtı Berlində hicablı qadına hücum olunub.

BiG.AZ xarici mediaya istinadən xəbər verir ki, bu barədə şəhər polis idarəsi açıqlama yayıb.
Bildirilib ki, ötən həftə 20 yaşlı müsəlman qadın Rathaus Neukölln metro stansiyasında bir şəxs tərəfindən sözlü və fiziki hücuma məruz qalıb.
Onun hicabı çıxarılıb, saçları dartılıb. Hücuma məruz qalan qadın yüngül xəsarət alıb.

İrqçi təhqirlər edən təcavüzkarın şəxsiyyətinin müəyyən edilməsi istiqamətində işlər gedir. Almaniyada son illərdə müsəlman əleyhdarı (İslamofobiya) hallarının artdığı müşahidə edilir.