Avropanın aparıcı futbol çempionatlarında açılış matçları oynanılıb.

Qarşılaşmalar daha çox minimum sayda qolların vurulması ilə yadda qalıb.

Almaniya Bundesliqasında son çempion “Bavariya” Münhenqladbax “Borussiya”sının qonağı olub. Oyunda 1:1 hesablı heç-heçə qeydə alınıb.

Fransanın birinci liqasında “Monako” səfərdə “Loryen”ə minimal hesabla uduzub.

İspaniya La Liqasında mövsümün ilk qarşılaşması “Valensiya” ilə “Hetafe” arasında baş tutub. Bu oyun da ev sahibi komandanın minimal üstünlüyü ilə başa çatıb.

Yeganə istisna İngiltərə Premyer Liqası olub. Burada doğma meydanda “Arsenal”ı qəbul edən debütant “Brentford” qonaqların qapısından iki cavabsız qol keçirməklə 74 ildən sonra yüksək liqaya qayıdışını qələbə ilə qeyd edib.