UEFA Avropa Liqasının 1/16 final mərhələsinin maraqlı qarşılaşmalarından biri İtaliyada baş tutub.

Oxu.Az xəbər verir ki, Neapolda “Napoli” “Barselona”nı qəbul edib.

Kataloniyadakı ilk matçda 1:1 hesablı bərabərlik qeydə alındığından bu görüş xüsusi gərginlik vəd edirdi.

Matç isə gözlənilmədən “Barselona”nın rahat qələbəsi ilə yekunlaşıb.

Qarşılaşmanın 8-ci dəqiqəsində Alba, 13-cü dəqiqəsində isə De Yonqun qolları ilə önə keçən qonaqlara 23-cü dəqiqədə İnsinye penalti ilə cavab verib. Bununla belə, hissənin tamamında Pike neapolluların ümidlərini üzüb.

İkinci hissədə isə tərəflər hərəyə bir dəfə fərqləniblər. Obameyanq 59-cu dəqiqədə intriqanı tamam öldürüb. Politanonun 87-ci dəqiqədə vurduğu qol isə təsəlli xarakterli olub.

Matçın qollarını təqdim edirik: