Tite DÇ-2022-dən sonra Braziliya millisinin baş məşqçisi postunu tərk edəcək.
“Mən dünya çempionatının sonuna qədər komanda ilə işləyirəm. Burada kimisə aldatmaq üçün heç bir səbəb yoxdur.
2022-ci il dünya çempionatını nəyin bahasına olursa olsun, qazanmaq istəyirəm. Çünki karyeram ərzində bacardığım hər şeyi qazanmışam. Yeganə çatışmayan şey Dünya Kubokunu qazanmaqdır”, -deyə baş məşqçi bildirib.
Qeyd edək ki, Tite 2016-cı ildən Braziliya millisini çalışdırır. Onun rəhbərliyi altında komanda 2019-cu ildə Amerika Kubokunun qalibi olub.